Medya so rol ek puvwar politik Ki stratezi vizavi

Medya so rol ek puvwar politik Ki stratezi vizavi

Medya so rol ek puvwar politik
Ki stratezi vizavi medya?
Sa papye la sitye dan enn lepok kot ena buku mitasyon dan medya. Sa mitasyon la reflet seki pe
arive onivo ekonomik kot diferan seksyon burzwazi pe rod nuvo sekter pu expann. Nu pe konstat
transformasyon ennde lagazet an bann lanpir depres ki pe agrandi avek bi pu gayn lanpriz lor kontrol
linformasyon. Sa bann lanpir depres ena fwa an konivans avek puvwar politik ek ena fwa an konfli
avek samem puvwar politik.
Mitasyon dan medya reflet rekonpozisyon dan burzwazi, kot pwa ekonomik ek politik grup BAI pe
agrandi, pe rant dan sekter medya. An memtan atak rezim Travayis kont L’Express, pe reflet konfli
ki ena ant Travayis ek burzwazi istorik, pu enn re-ekilibraz puvwar.
Dan mem moman ena rezim Travayis opuvwar ki kwar dan enn stil developman a-la-Singapur. Enn
devlopman ekonomik ki reprim tu form kontestasyon, ikonpri reprim medya ki an konfli avek sa
rezim la.
Tablo reprezant Konpozisyon diferan grup medya
Grup
Propriyeter
Piblikasyon/Radio
Aksyoner:
La Sentinelle
Balancy/Delaitre 15%, Edgar
Adolphe 6%( vann so aksyon a
BAI), Forget 12%, Bernard Mayer
7% , J.C.de L’Estrac 3%.
Lezot Detay
Mamb Bord
L’Express,
L’Express.mu
L’Express
Dimanche, 5-Plus
A .Maudave, P.Forget,
M.Ladegourdie (ne
Adophe), R.Bigaignon,
J.C. de L’Estrac,
Jacques Forget.
Radio One
----------------Viva Voce
Defi Media
Group
Manb Bord :
La Sentinelle 19.99%,
FAIL(Madco) 6.59%,
S.Banymandhub 8.03%, C Fon
Sing(RHT media) 25.65%, Farouk
Hossen( Evanston e direkter BAI)
20.52% ,ek J.Marie Richard
(Interaction.com) 6.41%, Rogers
12.82%,.
Media Alliance
(60% E.Kodarbux 40%BAI)
La Sentinelle, Rogers,
Madco, Fon Sing,
Farouk Hossen, J.M
Richard.
JM Richard loz plint
kont Management
Contract La Sentinelle
kot IBA.
Le Defi, Le Defi-Sexo,
Le Defi Quotidien, Le
Defi onlayn, Hebdo,
News on Sunday
Radio Plus
19% Ehshan Kodarbux, 41%
Fouad Jaddoo, 40% BAI atraver
Media Metrix
Radio Plus
Piblisite depi
Guvernman, Paraetatik,
tu partner BAI(Courts,
Ireko,Apollo)
Yukondale
Grup ‘Le
Mauricien’
Pro
Guvernman
Propriyeter BAI
The Star, Le
Dimanche, Impact
News.
Lafamiy Rivet/Delaitre
Le Mauricien,
Week-End,
W.Scope-
Grup Le Mauricien:
Buku so a bann
zurnalis ek mem 2
redakter an sef,
G.Ahnee ek Gerard
Cateaux finn kite.Finn
al swa kuma atase
depres, La Sentinelle
ubyin zwenn grup
Yukondale. Enn grup
ki pe afebli e ki ankor
pro-lopozisyon MMM,
sirtu W.End
AAPCA
Le Matinal
Ramlalah
M.Times
Defann rezim opuvwar,
ek MBC an permanans
fer propagann
Guvernman.
MBC/Radio
Top FM
Tablo la donn nu enn indikasyon kimanyer medya aligne deryer bann diferan blok ekonomik ki
finans Lagazet ek Radyo avek lamone piblisite.(Lamone piblisite se nu lamone apre tu).
La Sentinelle gayn imans sutyin an form piblisite depi bann gran grup (burzwazi istorik) ki
reprezante par Rogers, FAIL, MCB. Sa seksyon burzwazi an konfli avek enn lot seksyon ki
reprezante par BAI, RHT, J.M Richard (burzwazi deta) . Konfli pe pran form lor kisannla pu kontrol
bord direkter Radio One. Deza ena plint ki enn direkter, J.M.Richard finn loze kot IBA, pu kestyonn
management contract La Sentinelle pu rul Radio One.
Lagazet L’Express, so laliyn redaksyon pro-MMM e osi donn buku kuvertir R&A ek Muvman 1Me.
Dayer enn bann direkter grup La Sentinelle, Pipo Forget ek enn ansyin redakter-an-sef L’Express,
Yvan Martial, ki tuzur ekrir, tulede ti kandida blok 104 dernye eleksyon zeneral.
Defi Media Group/Radio Plus, pe okip inpe plis lespas medyatik. So direkter Ehshan Khodarbux ti
redakter Nuvo Lizur ek lerla Horizons Nouveaux dan bann lane 80, apre koste avek MSM ek aste
lekipman Sun Printing depi lafamiy Jugnauth. Grup la finn moderniz so lekipman avek lapor BAI.
BAI finn aret so prop biznes News International ek so piblikasyon News on Sunday, Financial News,
Score e esanz so lekipman pu aksyon dan Le Defi Media Group ek Radio Plus.
Grup BAI pe kontiyn agrandi so linflians dan media e prezan dan La Sentinelle, Viva Voce, Defi
Media Group, Radio Plus, ek posed plizyer lagazet a traver sibsidyerYukondale.
Ena osi AAPCA, enn konpayni ki baze dan Lind ek pibliye Le Matinal ek Independent. AAPCA an
konpetisyon direk avek L’Express, benefisye enn gro par dan bidze piblisite guvernman ek li byin
pro-guvernman.
Grup Yukondale, enn filyal BAI ki finn aste enn seri tit egzistan: The Star, Impact News, Le
Dimanche, NewsNow ek enn nuvo lagazet kotidyen apartir mi-Fevriye, aparaman.
M.Times, lagazet pro-Travayis, me ki donn gran gran intervyu a Ashok Subron ek Jack Bizlall.
MBC/Radio, bwat propagann Guvernman MSM/Ptr/PMSD, me ki sirtu donn kuvertir egzazere a
Navin Ramgoolam, enpe kuma television Congo ti pe donn kuvertir diktater Mobutu. Isi, se Dan
Callikan ki ti enn konseye biro premye minis ki finn nome kuma direkter MBC pu diriz sa masinn
propagann ki MBC reprezante.
Konfli Lapres v/s LETA
Dan listwar a plizir repriz, Guvernman kolonyal ek Guvernman apre Lendepandans finn pran
bann mezir pu reglemant ek inpoz restriksyon lor Lapres.
1939-45: Pandan 2em Ger Mondyal guvernman kolonyal ti kontrol lenformasyon ki ti pe pibliye
dan lapres.
1968-Kontrol lor lenformasyon otur bagar rasyal.
1970- Presyon Gaetan Duval, pu Le Mauricien debaras Andre Masson ki ti pe kritik so bann
proze politik. Alafin li finn resi, par fer santaz ar piblisite guvermantal ek fors Le Mauricien met
Andre Masson deor.
1971- Lasansir lapres. Bizin gayn fe-ver lapolis lor konteni avan lagazet sorti.
1984- Guverman, Aneerood Jugnauth kuma Premye Minis, inpoz enn kosyon Rs500,000 a bann
lagazet. Apre manifestasyon bann redakter ek zurnalis divan parlman, guvernman MSM sanz so
pozisyon, ek ranplas kosyon par solvabilite.
2006-2011- Travayis ek so fitir alye MSM an konfli preske permanan avek grup La Sentinelle
pandan plis ki 5 an vini mem.
Premye diskur menas Ramgoolam kont L’Express le 26 Ut 2006, Triolet kot li sit enn seri lartik,
akiz L’Express konplote kont GM. Sa reprezant kick-off pu boykotaz Leta kont Grup La
Sentinelle ki karekterize par, aret piblisite guvernmantal ek aret abonnman pu bann departman
guvernman ek para-etatik.
Dan mem moman, premye konfli Sithanen avek Ramgoolam lor nominasyon Bheenick kuma
Guverner Labank Moris fer sirfas. Sithanen sumet so demisyon a Premye Minis, me repran so
let apre. Enn seksyon burzwazi deryer L’Express paret tinn byin satisfe ek Sithanen, ek li nome
Lom de Lane L’Express an 2006.
Antretan Jean Claude de L’Estrac direkter La sentinelle, kontiyn asim so rol kuma prezidan
Empowerment Programme e finalman sumet so demisyon an Avril 2009. La Sentinelle finn loz
ka kont Guvenman lor kestyon repartisyon piblisite.
Ena osi MSM, ki ti deza ena enn lipye dan Guvernman, an konfli avek grup La Sentinelle ek
Radio One. Ti ena manifestasyon kont Radio One an Me 2009. L’Express/Radio One reazir par
aret mansyonn MSM dan reportaz.
Represyon ek menas pa zis kont kont grup La Sentinelle ek Radio One,me osi kont zurnalis dan
grup Le Mauricien, Le N. Militant, Defi Media. An Novam 2008 finn ena arestasyon 3 zurnalis,
pu piblikasyon fos nuvel, parmi G.Cateaux (W.End) Josian Valere ek Anabelle Volbert (Radio
Plus). An Fevriye 2010, arestasyon redakter Le Nouveau Militant, Ananda Rajoo, pu enn lartik
lor lagrip A/H1N1 ki ti pibliye an Ut 2009.
LALIT ek medya
Kuvertir ki LALIT gayne depi medya egzistan byin varye, depandan sirtu lor medya so prop azanda.
Lapres komersyal ek media anzeneral, sirviv buku lor piblisite, depi Guvernman, depi paraetatik u
depi sekter prive. Kumadir kan fini met piblisite, si plas reste lerla zot kuver bann lezot item dan
nuvel ki zot truv priyorite, e donn kuvertir LALIT pa neserman zot priyorite.
Lapres donn diferan tretman pu diferan kuran politik. Le Mauricien,Week End, L’Express pro
lopozisyon MMM, me truv plas donn kuvertir egzazere R&A ek Muvman 1er Me. An zeneral sa 3
Lagazet la ena enn politik pu sey marzinaliz LALIT antan ki lafors politik, ek sey pretann ki LALIT
plito enn grup refleksyon.
Li inportan pu nu konpran rol medya ek bann lafors politik ek ekonomik deryer zot pu ki nu kone a
ki pwin nu kapav itiliz lespas ki zot donn nu, san ki nu vinn depandan lor zot.
Li osi inportan pu reflesi dan ki fason LALIT, kapav amilyor nu prop sistem kominikasyon atraver
mwayen ki nu deza pe servi ek osi devlop lezot mwayen.
(R.K-27.01.11)
Lezot lartik konsernan Medya lor Lalitmauritius.org
27 February 2006 PRESS FREEDOM AND FREE EXPRESSION by Lindsey Collen
13 April 2008
Mauritius Media at a glance: - L'Estrac the ignorant by Ram Seegobin
5 February 2010
Mauritius Media at a glance by Ram Seegobin