Sanskrit Book Template

|| śrīsomanātha stutiḥ - skanda purāṇam ||
Sri Somanatha Stuti - Skanda Puranam
The following is a rare hymn on Lord Somanatha (Lord Shiva) from Skanda Puranam,
Prabhasa Khanda, and Chapter 290. This hymn appears as part of Nyankumati Mahatmya
within Prabhasa Mahatmya and the installation of Lord Somanatha by Kubera in Kubera
Nagara. Though there is no separate Phalashruti for this hymn, one who worships Lord
Somanatha begets all wealth.
mūrtiḥ kvā'pi maheśvarasya mahatī yajñasya mūlodayā |
tumbī tuṅga phalāvatī ca śataśo brahmāṇḍa-koṭistatha |
yanmānaṁ na pitāmaho na ca harir brahmāṇḍa-madhya-sthito|
jānātyanya-sureṣu kā ca gaṇanā sā santataṁ vo 'vatāt ||
namāmyahaṁ devaṁ ajaṁ purāṇaṁ upendraṁ indrāvararāja juṣṭam |
śaśāṅka-sūryāgni-samāna-netraṁ vṛṣendra-cihnaṁ pralayādi-hetum || 1 ||
sarveśvaraika tribalaika-bandhuṁ yogādhigamyaṁ jagato 'dhivāsam |
taṁ vismayādhāraṁ ananta-śaktiṁ jñānodbhavaṁ dhairya-guṇādhikam ca || 2 ||
pināka-pāśāṅkuśa-śūla-hastaṁ kapardinaṁ megha-samāna-ghoṣam |
sakālakaṇṭhaṁ spaṭikāvabhāsaṁ namāmi śambhuṁ bhuvanaikanātham || 3 ||
kapālinaṁ mālinaṁ ādidevaṁ jaṭādharaṁ bhīma bhujaṅga-hāram |
prasāsitāraṁ ca sahasramūrtiṁ sahasraśīrṣaṁ puruṣaṁ viśiṣṭam || 4 ||
yadakṣaraṁ nirguṇaṁ aprameyaṁ sajyotirekaṁ pravadanti santaḥ |
dūraṅgamaṁ vedyaṁ anindya-vandyaṁ sarveṣu hṛtsthaṁ paramaṁ pavitram || 5 ||
tejonibhaṁ bāla-mṛgāṅka-mauliṁ namāmi rudraṁ sphurad ugra-vaktram |
kālendhanaṁ kāmadamasta-saṅgaṁ dharmāsanasthaṁ prakṛti-dvaya-stham || 6 ||
atīndriyaṁ viśvabhujaṁ jitāriṁ guṇa-trayātītaṁ ajaṁ nirīham |
tamomayaṁ vedamayaṁ cidaṁśaṁ prajāpatīśaṁ puruhūtaṁ indram || 7 ||
anāgataika-dhvani-rūpaṁ ādyaṁ dhyāyanti yaṁ yogavido yatīndrāḥ |
saṁsāra-pāśacchiduraṁ vimuktaḥ punaḥ punas tvāṁ praṇamāmi devam || 8 ||
nirūpamāsyaṁ ca bala-prabhāvaṁ na ca svabhāvaṁ paramasya puṁsaḥ |
vijñāyate viṣṇu-pitāmahādyais taṁ vāmadevaṁ praṇamāmyacintyam || 9 ||
śivaṁ samārādhya taṁ ugra-mūrtiṁ papau samudraṁ bhagavān agastyaḥ |
lebhe dilīpo 'pyakhilāṁśca kāmāṁs taṁ viśvayoniṁ śaraṇaṁ prapadye || 10 ||
devendra-vandyo uddhara-māṁ-anāthaṁ śambho kṛpā-kāruṇikaḥ kila tvam |
duḥkhārṇave magnaṁ umeśa dīnaṁ samuddhara tvaṁ bhava śaṅkaro'si || 11 ||
sampūjayanto divi devasaṅghā brahmendra rudrā viharanti kāmam |
taṁ staumi naumīha japāmi śarvaṁ vande 'bhivandyaṁ śaraṇaṁ prapannaḥ || 12 ||
|| iti śrīskānde mahāpurāṇe prabhāsa khaṇḍe prabhāsa kṣetra māhātmye
śrīsomanātha stutiḥ sampūrṇam ||
K. Muralidharan ([email protected])
1