Uyghur Bible - Muqeddes Kitab - translated into Kashgar dialect

Transkript

muqeddes kitab
Ibraniylargha
yézilghan xet
58
IBRANIYLARGHA
YÉZILGHAN XET
Muqeddes Kitab - Yéngi Ehde (Injil)
19-qisim
1950-yilidiki «Muqeddes Kitab»niǌ
uyghurche terjimisi hazirqi zaman
uyghur tiligha özgertildi
2013
Deslepki nusxa
www.dunyaningnuri.com
IBRANIYLARGHA
YÉZILGHAN XET
1
Oghul perishtilerdin ulugh
Xuda ilgiriki zamanlarda peyghemberlerning wasitisi bilen tola mertiwe
we tola teriqide ata-bowilargha söz qilghandin kéyin, shu axirqi künlerde
oghlining wasitisi bilen bizge söz qildi. 2 U uning özini her nersige waris qildi.
Uning wasitisi bilen dunyani hem yaratti. 3 U özi uning shan-sheripining sholisi
we uning esli zatining süriti bolup, qudritining sözi bilen her nersini muhapizet
qilip kötürüp, gunahlarning yuyulushini tamam qilghandin kéyin ershielada
ezim bolghanning ong yénida olturdi. 4 U perishtilerdin shunche ulugh
bolghandin kéyin, ularningkidin qanche ewzel bir isimgha warisliq qilghan.
5
Chünki u:
«Sen méning Oghlumdursen. Bügün séning Atang boldum»
we:
«Men uninggha Ata bolimen we u méning Oghlum bolidu»
dep perishtilerning qaysisigha éytti?
1
U tunjini dunyagha yene kirgüzgende:
«Xudaning perishtilirining hemmisi uninggha sejde qilsun»
dep éytti.
6
Emma u perishtiler toghrisida éytiduki:
«Öz perishtilirini shamallar we xizmetkarlirini ot yalquni qilidu.
7
Lékin u Oghul toghrisida éytiduki:
«Ey Xuda, séning texting ebedilebed qalidu
we séning padishahliqingning seltenet hasisi rastliqning seltenet hasisidur».
9
«Adaletni dost tutup, pasiqliqni yaman kördüng.
Uning üchün Tengring Xuda özi
hemraxliringning arisida séni xushalliq yéghi bilen mesihlidi».
8
IBRANIYLARGHA YÉZILGHAN XET
4
U yene éytiduki:
«Sen, ey Xudawende, qedimdin yerning ulini qoyghansen
we asmanlar séning qolliringning emilidur.
11
Ular yoq bolidu emma sen yoqalmay turisen.
Ularning hemmisi égindek konarip kétidu,
12
bir libastek ularni tégishtürisen we ular yenggüshlinidu.
Emma sen esla özgermeysen we yilliringning tügishi yoqtur».
10
Emma u:
«Men düshmenliringni putliringgha bir qedemgah qilghuche
méning ong yénimda olturghin»
dep perishtilerning qaysisigha éytti?
13
Ularning hemmisi nijatqa waris bolidighanlarning xizmiti üchün ewetilgen
xizmetkar rohlar emesmu?
14
2
Eysa Mesih perishtilerdin töwenrek qilindi
Shunga, leylep ketmeslikimiz üchün, anglighinimizgha diqqet qilip baqayli.
Chünki perishtilerning wasitisi bilen éytilghan söz küchke ige bolghan bolsa
we her xilapliq we itaetsizlik öz heq jazisini tapqan bolsa, 3 undaq ulugh nijatni
qobul qilmisaq, qandaq qutulalaymiz? U nijat özi Xudawendining wasitisi bilen
jakarlinip, andin kéyin uningdin anglighanlardin bizge xeqliqini testiq qilindi.
4
Xuda özi hem öz iradisige muwapiq alamet we möjiziler we bashqa-bashqa
qudretlik emeller we Muqeddes Roh bergini bilen buninggha guwahliq bergen.
5
Chünki biz uning toghrisida sözligen baqiy alemni perishtilerning hökümi
astida qoymidi. 6 Emma bir kishi bir yerde guwahliq bérip éytqanki:
1
2
«Adem némidurki, sen uni yad qilghaysen
we adem oghliki, sen uni yoqlighaysen?
7
Azghina waqit uni perishtilerdin töwenrek qilip,
andin izzet we shan-sherep bilen uni tajlandurghansen
we uni qolliringning ishlirigha seltenet qilghili turghuzup,
hemme nersilerni uning putlirining astigha qoyghansen».
Chünki hemme nersini uning qol astigha qoyghanda, uning qol astigha
salmighan héch nersini qaldurmighan. Lékin téxi hemme nersining uning qol
astigha qoyulghinini körmiduq. 9 Emma Xudaning méhir-shepqiti bilen hemme
ademler üchün ölümni tétisun dep, azghina waqit perishtilerdin töwenrek
8
5
qilin’ghan Eysaning öz ölümining zexmiti jehitidin shan-sherep we izzet bilen
tajlandurulghinini körduq.
10
Chünki hemme nerse uning üchün bolup, hemme nerse uning wasitisi bilen
bolghanning özi tola oghullarni shan-sherepke bashlighinida, ularning nijatining
yol bashlighuchisini zexmetler bilen kamaletke yetküzüshni muwapiq kördi.
11
Chünki pak-muqeddes qilghuchi özi we pak-muqeddes qilin’ghanlarning
hemmisi bir atidindur. Uning üchün ularni burader dégili uyatmay, 12 éytiduki:
«Ismingni buraderlirimge bayan qilimen,
jamaetning otturisida sanga hemd éytimen».
Yene éytiduki:
«Men uninggha tayinimen».
13
We yene:
«Mana men we Xuda manga bergen balilar»
dep éytidu.
Balilar qandin we jisimdin hessidar bolghach, u hem ulardek buningdin
hessidar boldiki, u ölümning üstige qudriti bolghuchini, yeni iblisni öz
ölümining wasitisi bilen yoqitip, 15 ölümning qorqunchidin pütün ömride
qulluqqa giriptar bolghanlarni azad qilghay. 16 Chünki u derweqe perishtilerge
xeyrxahliq qilmay, Ibrahim neslige xeyrxahliq qilidu. 17 Bu wejidin her jehettin
buraderlerge oxshash bolmiqi kérek idiki, u merhemetlik bolup, qowmning
gunahlirini kaparet qilmaq üchün Xudagha teelluq bolghan ishlarda ishenchlik
bir ulugh kahin bolghay. 18 Chünki u özi sinaq qilinip, zexmet tartqini bilen sinaq
qilin’ghanlargha yardem béreleydu.
14
3
Eysa Mesih Musadin ulugh
Uning üchün, ey samawi dewetning shérikliri bolghan muqeddes buraderler,
özimiz étirap qilghan rosul we ulugh kahin, yeni Eysagha qaranglar.
2
Musa uning pütün öyide sadiq bolghandek, Eysa özini teyinligüchige sadiq
idi. 3 Chünki öyni yasighuchi öydin izzetlikrek bolghandek, Eysa özi Musadin
qanche chongraq shan-sherepke layiqtur. 4 Chünki her öy birkimdin yasilidu,
lékin hemmisini yasighuchi Xudadur. 5 Musa jakarlaydighan sözlerge guwahliq
bermek üchün, uning pütün öyide bir xizmetkardek ishenchlik idi. 6 Lékin Mesih
uning öyining üstide oghuldek ishenchlik idi. Eger biz ümidning xatirjemlikini
we pexrini axirghiche mehkem tutsaq, uning öyi biz özimizdurmiz.
1
6
Xudaning sözini anglanglar
7
Bu wejidin Muqeddes Roh éytiduki:
«Bügün uning awazini anglisanglar,
ular chölde ghezipimni keltürüp sinaq künide qilghanliridek
köngülliringlarni qattiq qilmanglar.
9
U yerde ata-bowiliringlar qiriq yil emellirimni körüp,
méni sinaq qilip sinatti.
10
Uning üchün shu nesildin bizar bolup éyttim:
‹ Ular hemishe öz köngülliri bilen éziqip kétip,
yollirimni bilip yetmidi.
11
Shundaqki, aramgahimgha kirmisun›
dep achchiqimda qesem qildim».
8
Uning üchün, ey buraderler, éhtiyat qilinglarki, héchbiringlarda tirik Xudadin
éziqip kétishke seweb bolidighan yaman we imansiz bir köngül tépilmisun.
13
Lékin «bügün gheniymet iken» dep her küni bir-biringlargha nesihet
qilinglarki, héchbiringlar gunahning aldimiqi bilen qétip qalmisun. 14 Chünki
desleptiki étimadimizni axirghiche mehkem tutsaq, Mesihning shérikliri bolimiz.
12
ghezipimni keltürgenliridikidek köngülliringlarni qattiq qilmanglar»
15
dep éytilghinida,
uning sözini anglap ghezipini keltürgenler kimler idi? Musa bilen Misirdin
chiqqanlarning hemmisi emesmu? 17 U qiriq yil dawamida kimlerdin bizar
boldi? Gunah qilghanlardin emesmu? Bularning bedenliri chölde chüshüp qaldi.
18
«Aramgahimgha kirmisun» dep, u özi ularning üstide qesem qilghan kishiler
kim idi? Itaetsizlikler emesmu? 19 Körimizki, ular imansizliq üchün kirelmidi.
16
4
Xudaning aramgahigha kirish
Uning aramgahigha kirishke bir wede bar bolghandin kéyin, silerdin héchkim
yolda arqida qalmisun dep, agah bolayli. 2 Chünki ulargha xush xewer
jakarlighandek, bizge hem jakarlandi. Lékin anglan’ghan söz anglighuchilarda
iman bilen birleshmigini üchün bulargha menpeet yetküzmidi. 3 Emma biz
ishen’genler rahetke kirimiz chünki:
1
7
«‹ Ular méning aramgahimgha kirmisun› dep,
achchiqimda qesem qildim»
dep éytilghan. Biraq uning emelliri dunyaning uli sélin’ghinidin béri
teyyarlan’ghanidi. 4 Chünki bir yerde yettinchi kün toghrisida shundaq éyttiki:
«Xuda yettinchi küni öz hemme ishliridin rahet qildi»
5
we yene:
«Ular méning aramgahimgha kirmisun»
dep munda éytilghan.
Bezilerning rahetke kirmiki tayin bolghach we ilgiri qichqirilghanlar itaetsizliki
üchün kirmigech, 7 u özi yene bir kün tayin qilip, birmunche waqittin kéyin
Dawudning wasitisi bilen bügün dep, ilgiri éytilghandek:
6
köngülliringlarni qattiq qilmanglar»
dep éytti.
Chünki eger Yeshua ularni aramgahqa kirgüzgen bolsa idi, Xuda kéyin kélidighan
bashqa bir kün toghrisida söz qilmaytti. 9 Uning üchün Xudaning qowmini bir
shabat rahiti kütüp turidu. 10 Chünki Xuda öz ishliridin rahet qilghandek, uning
aramgahigha kirgen kishi öz ishliridin rahet tapqan bolidu.
11
Shunga, héchkim ulardek chüshüp, itaetsizlikke ibret bolmighay dep, u
aramgahqa kirishke tirishayli. 12 Chünki Xudaning sözi tirik we küchlüktur we
ikki bisliq qilichtin ittikraq bolup, janni we rohni we béghishlarni we yilikni
juda qilghuchilik ötüp, köngülning pikir bilen niyetlirini teptish qilidu. 13 Uning
aldida yoshuruqluq héchbir mexluq yoqtur, belki bizdin hésab alghuchining
közlirining aldida her nerse ochuq we ashkaridur.
8
Eysa Mesih ulugh kahinimiztur
Asmanlargha chiqqan Eysa Ibn Alla bizning ulugh kahinimiz bolghandin
kéyin, étirap qilghan étiqadimizni mehkem tutayli. 15 Chong zeipliklirimizge
hemderd bolalmaydighan ulugh kahinimiz yoqtur, belki gunah qilmay, bizge
oxshash her ishta sinaq qilin’ghan bir ulugh kahinimiz bardur. 16 Uning üchün
xatirjemlik bilen merhemet textining aldigha barayli. Buning bilen merhemet
qobul qilip, lazim waqitta yardem élishimizgha méhir-shepqet tapqaymiz.
14
5
8
Chünki ulugh kahin bolidighan herkim ademlerdin ilghinip, gunahlar
üchün hediye bilen qurbanliqlar ötküzgili ademlerning heqqide Xudaning
aldida xizmet qilmaq üchün turghuzulidu. 2 Özi zeiplikke giriptar bolghach u
jahillargha we éziqip ketkenlerge sewr-taqet qilalaydu. 3 Shu wejidin qowm
üchün gunah qurbanliqi ötküzgendek, özi üchün hem ötküzüshi kérek.
4
Harundek Xudadin qichqirilmisa, héchkim özige bu mertiwini almaydu.
5
Shundaq Mesih hem ulugh kahin bolmaq üchün özige shan-sherep bermidi,
belki uninggha: «Sen méning Oghlumdursen, bügün séning atang boldum» dep
éytquchi uninggha shan-sherep berdi.
6
Shuningdek u: «Sen Melkisadiqning teriqiside ebedkiche bir kahindursen» dep
bashqa bir yerde éytqan.
7
U özi jismining künliride qattiq peryad we köz yashliri bilen özini ölümdin
qutquzalaydighuchigha dua we tilekler keltürüp, ixlasmenlikidin ijabet qilindi.
8
U özi Oghul bolsimu, tartqan zexmetliridin itaet öginip, 9 kamaletke yétip, özige
itaet qilghanlarning hemmisige ebediy nijatqa seweb bolup, 10 Xuda teripidin
Melkisadiqning teriqiside ulugh kahin dep ataldi.
1
Xudadin éziqip ketmeslikke agahlandurush
Buning toghrisida éytqili tola sözimiz bar, lékin qulaqliringlar éghirlashqini
üchün shuni söz bilen roshen qilmaq müshküldur. 12 Chünki muellim bolidighan
waqtinglar kelgini bilen, Xudaning kalamining deslepki qaidilerni yéngidin silerge
ögitilish lazim bolatti we qoyuq taam kötürelmey, sütke mohtaj bolghanlardek
bolup qaldinglar. 13 Emma süt ichidighan herkim kichik bala bolghach adalet
sözige pishqan emes. 14 Lékin qoyuq taam yétilgenler üchün, yeni adet bilen
yaxshini we yamanni ayrishqa zéhinlirini köndürgenler üchündur.
11
6
Uning üchün Mesih toghrisidiki telimning deslepki qaidiliri bilen toxtimay,
kamaletke qarap yüreyli. Ölük emellerdin towa qilish we Xudagha iman
keltürüsh bilen, 2 we chömüldürüshning we qol qoyushning we ölgenlerning
tirilip qopushining we ebediy hökümning telimi bilen yene ul salmayli. 3 Xuda
ijazet berse, shuni qilayli.
4
Chünki bir waqit yorutulup, samawi hediyeni tétip Muqeddes Rohqa hessidar
bolup, 5 Xudaning muqeddes sözini we kélidighan alemning qudretlirini
tétighanlar 6 tayip kétip chüshse, ularni yene towa childurush mümkin
bolmaydu. Chünki ular Xudaning Oghlini özige yéngidin kréstke tartip, uni
reswa qilghan bolidu. 7 Mana pat-pat öz üstige yaghqan yamghurni ichken
zémin özini térighanlar üchün menpeetlik giyah hosulgha keltüridu. Undaq
1
9
bir zémin Xudadin beriket tapidu. 8 Lékin tiken bilen yantaqlar ündürse, u özi
paydisiz bolup, lenetke yéqin kelgen bolidu we uning axiri köydürülüsh bolidu.
9
Lékin, ey amraqlar, shundaq söz qilsaq hem, silerde yaxshiraq we nijatqa
teelluq ishlar bar dep xatirjemdurmiz. 10 Chünki Xuda silerning muqeddeslerge
xizmet qilghininglar we hazirmu xizmet qilip turghininglar bilen uning
ismigha körsetken muhebbitinglarni we emelliringlarni untughidek adaletsiz
emes. 11 Emma xalaymizki, silerdin herbiri ümidning kamil xatirjemliki üchün
axirghiche shundaq ijtihat körsetkey. 12 Shundaq qilip, sus bolmay, iman we
sewr bilen wedilerge waris bolghanlargha egeshkeysiler.
Xudaning wedisi jezmen emelge ashidu
Chünki Xuda Ibrahimgha wedini bergende, üstide qesem qilghili özidin
ulughraq héchkim tépilmighach, özi bilen qesem qilip: 14 «Berheq, séni tola
beriketleymen, choqum séni awutimen» dep éytti 15 we u bu weji bilen sewr
we taqet qilip wedini tapti. 16 Chünki ademler özidin ulughraq bolghuchi
bilen qesem qilidu we qesemning ispati bilen ularning hemme urush-jédelliri
tügitilidu. 17 Shuningdek Xuda özi wedining warislirigha öz meslihetining
özgermeslikini téxi oshuqraq ashkara qilishni xalap, qesemni otturigha saldi.
18
Shunga, Xuda yalghan éytalmighini üchün özgermeydighan shu ikki ish bilen,
uni panah qilghan bizler aldimizdiki ümidni mehkem tutush üchün chong
ilham tapqaymiz. 19 Shu ümid jénimizning ching we mustehkem lenggiri bolup,
muqeddesning perdisidin ötüp, ichki jaygha yétishidu. 20 U yerge Eysa biz üchün
bashlighuchimizdek kirip, Melkisadiqning teriqiside ebedkiche ulugh kahin
boldi.
13
7
Melkisadiq padishah we kahindur
Chünki shu Melkisadiq özi Salimning padishahi bolup. Xuda Mutealning
kahini idi. Ibrahim padishahlarni urup yan’ghinida shu özi uninggha uchrap,
uni mubareklidi. 2 we Ibrahim her nersidin uninggha ondin bir ülüshni ayrip
berdi. Uning ismining menisi hem adaletning padishahi we hem Salimning
padishahi, yeni amanliqning padishahi bolidu. 3 U atisiz, anisiz we nesebnamisiz
bolup, künlirining iptidasi we ömrining axiri yoq, belki Ibn Allagha oxshash
qilinip, hemishe kahin bolup qalidu.
4
Mana u undaq ulugh adem ikenki, ata-bowilarning chongi Ibrahim özi oljining
yaxshisidin uninggha ondin bir ülüshni ayrip berdi. 5 Emdi beni-Lawiydin
kahinliq mertiwisini tapqanlar özige bérilgen emrge qarap Tewrat kanunigha
1
10
muwapiq qowmdin, yeni Ibrahimning pushtidin chiqqan öz buraderliridin ondin
bir ülüshni alidu. 6 Lékin bu özi ularning uruq-ewladidin bolmay, Ibrahimdin,
yeni wedilerni tapqan kishidin ondin bir ülüshni élip, uni mubareklidi. 7 Emma
sheksiz shundaq ikenki, kichiki chongdin mubareklinidu. 8 Munda ölidighan
ademler ondin bir ülüshni alidu, lékin anda: «U tirik iken» dep guwahliq tapqan
kishi ondin bir ülüshni alidu. 9 Hetta, ondin bir ülüshni alidighan Lawiy özi
Ibrahimning wasitisi bilen ondin bir ülüshni berdi désem bolidu. 10 Chünki
Melkisadiq Ibrahimgha uchrighanda Lawiy téxi öz ata-bowisining pushtida idi.
Eysa Mesih Melkisadiq teriqiside kahindur
Eger uning wasitisi bilen qowmgha Tewrat qanuni chüshürülgen lawiyliq
kahinliqi bilen kamalet épilsa idi, Harunning teriqiside atalmay, Melkisadiqning
teriqiside atalghan bashqa bir kahinning qopurulushigha néme hajet bolatti?
12
Emma kahinliq yötkelse, qanunning yötkelmiki hem lazim kélidu. 13 Chünki
bu éytiliwatqan sözler qaritilghan zat, héchkim qurban’gahning aldida xizmet
qilmighan bashqa bir qebilidin idi. 14 Mana Xudawendimizning Yehuda
qebilisidin chiqqini ashkaridur we shu qebilining heqqide Musa kahinlar
toghrisida héch söz qilmighandur.
15
Melkisadiqning oxshashliqida bashqa bir kahin qopurulghandin kéyin mezkur
ish téximu ashkara bolidu. 16 Chünki u özi bir jismaniy buyruqning tüzümige
muwapiq emes, belki zaye bolmaydighan tiriklikning quwwiti bilen kahin
boldi. 17 Mana uning toghrisidin: «Sen Melkisadiqning teriqiside ebedkiche
kahindursen» dep guwahliq bérilgen.
18
Emdi ilgiriki bir emr özi zeip we paydisiz bolghini üchün bikar qilinidu. 19 Chünki
Tewrat qanuni héch nersini kamaletke yetküzelmidi, belki uning ornigha bizni
Xudagha yéqin keltüridighan yaxshiraq bir ümid bérildi. 20 Shundaq ikenki bu
ish qesemsiz bolmidi, emma bular qesemsiz kahin boldi. 21 Lékin shu özi qesem
bilen kahin boldi. Uning toghrisida «Xudawende: ‹ Sen ebedkiche kahindursen›
dep qesem qilip, pushayman bolmaydu» dégüchining wasitisi bilen kahin boldi.
22
Démek, Eysa shunche ewzelrek bir ehdining képili boldi.
23
Bu kahinlar xizmitide qélishidin ölüm bilen tosulghini üchün, ularning toliraq
bolmiqi kérek idi. 24 Lékin shu özi ebedkiche qalidighini üchün, uning zaye
bolmaydighan bir kahinliqi bar. 25 Bu wejidin uning wasitisi bilen Xudaning
aldigha kelgenlerge shapaet qilmaq üchün, u hemishe tirik turup, ularni
tamamen qutquzghili qadirdur. 26 Chünki shundaq bir kahin, yeni muqeddes,
gunahsiz, daghsiz bolup, gunahkarlardin ayrilip, asmanlardin égizlen’gen bir
ulugh kahin bizge lazimdur. 27 Bashqa ulugh kahinlargha lazim bolghandek bu
ulugh kahin’gha künde awwal öz gunahliri üchün, andin qowmning gunahliri
11
11
üchün qurbanliq ötküzgili lazim kelmeydu. Chünki özini qurban qilghinida buni
bir mertiwide qildi. 28 Tewrat qanuni özi zeipliki bar ademlerni ulugh kahinliqqa
teyinleydu, lékin Tewrat qanunidin kéyin kelgen qesemning sözi ebedkiche
kamil bolghan Oghulni teyinlidi.
8
Eysa Mesih yéngi ehdining ulugh kahinidur
Emma éytqanlirimizning xulasisi shuki, asmanlardiki ezim bolghanning
textining ong yénida olturaqliq bir ulugh kahinimiz bardur. 2 U özi muqeddes
jayda, yeni adem emes, belki Xudawende özi yashighan makanda xizmet qilip
turidu.
3
Chünki her ulugh kahin hediyeler we qurbanliqlar keltürgili teyinlinidu. Uning
üchün bu özining bir néme keltürmiki hem kérek idi. 4 Eger dunyada bolsa
idi, u özi kahin bolmaytti. Chünki anda Tewrat qanunigha muwapiq hediyeler
keltüridighan bashqilar bardur. 5 Ular samawi makanning süriti we sayisi
bolghan muqeddes jayida xizmet qilip turidu. Chünki Musa shahadet chédirini
yasighili turghinida, uninggha wehiy keldiki: «Agah bolghinki, hemmisini taghda
sanga körsitilgen nemunige oxshash qilghaysen» dédi.
6
Lékin bu özi ewzelrek wedilerge asaslinip, mehkemrek bir ehdining wasitichisi
bolghach ewzelrek bir xizmet tapti. 7 Chünki awwalqi ehde eyibsiz bolsa idi,
yene birini orunlashturush lazim kelmeytti. 8 U ularni eyiblep, éytiduki: «‹ Men
beyt-Israil we beyt-Yehuda bilen yéngi bir ehde qilidighan künler kélidu› dep
Xudawende éytidu.
9
‹ Bu ehde men ata-bowilirini Misir yurtidin chiqarmaq üchün ularning qolidin
tutqan künde ular bilen qilghan ehdemdek emes, chünki u ehdemde ular ching
turup qalmidi. Uning üchün ular bilen ishim bolmidi› dep Xudawende éytidu.
10
Mana Xudawende éytiduki: ‹ Men kélidighan künlerde beyt-Israil bilen
qilidighan ehdem shudurki, emrlirimni zéhinlirige qoyup, köngüllirige pütimen
we men ularning Tengrisi bolimen we ular méning qowmim bolidu.
11
we ularning héchbiri öz heqemsayisige we héchbiri öz buradirige ögitip:
«Xudawendini tonughin» dep éytmaydu, belki kichikidin tartip chonglirighiche
hemmisi méni tonuydu.
12
Chünki merhemitim bilen heqsizliqlirini kechürüp, gunahlirini yene yad
qilmaymen».
13
Yéngi ehde dégini bilen awwalqisini kona qildi. Lékin kona bolup
yashan’ghanning yoqilishi yéqindur.
1
9
12
Awwalqi ehdining muqeddes chédiridiki ibadet
Emma awwalqi ehdining ibadet qaidiliri we dunyawi muqeddes chédiri
bar idi. 2 Chünki shahadet chédirining bir aldi xanisi bar idi. Uningda
shamdan we joza bilen teqdim nanliri bar idi. Bu öy muqeddes xana dep ataldi.
3
Lékin ikkinchi perdining keynide hemmidin muqeddes xana dégen bir öy bar
idi. 4 Uningda altun bilen qaplan’ghan isriq qurban’gahi we her teripi altun
bilen qaplan’ghan ehde sanduqi bar idi. Uning ichide manna bar bir altun
koza we Harunning kökligen hasisi we ehdining taxtiliri bar idi 5 we uning
üstide merhemet textini sayilandurup turghan shereplik kérublar bar idi. Bu
nersilerning herbiri toghrisidin sözligili emdi purset bolmaydu. 6 Bu nersiler shu
teriqide tertip qilin’ghanidi. Kahinlar künde aldi xanigha kirip ibadet xizmitini
qilidu. 7 Ichkirki xanigha yalghuz ulugh kahin yilda bir mertiwe kiridu. Emma
qan élip kelmey kirmeydu. U qanni özi üchün we qowmning sewenlik tüpeylidin
ötküzgen gunahliri üchün teqdim qilidu. 8 Buning bilen Muqeddes Roh melum
qilghanki, aldi xana bar waqitta hemmidin muqeddes xanigha baridighan yol
téxi ashkara bolmighan. 9 Shu özi hazirqi waqitning misalidur we shuninggha
muwapiq ibadet xizmiti qilghuchini wijdan jehitidin kamil qilalmaydighan
hediyeler we qurbanliqlar teqdim qilinidu. 10 we qurbanliq buyruqliri özi,
yéyish we ichishning we bashqa-bashqa yuyulmaqliqning qaidiliridek, hemme
ishlarning tüzitilidighan waqtighiche toxtitilghan xas jismaniy perzler bolidu.
1
Yéngi ehde dewridiki ibadet
Emma kélidighan németlerning ulugh kahini Mesih kélip, qol bilen
yasalmighan makandin, yeni bu mewjudattin bolmighan chongraq we kamilraq
makandin ötüp, 12 tékilerning we torpaqlarning qéni bilen emes, belki öz qéni
bilen xas bir mertiwe hemmidin muqeddes jaygha kirip, ebediy bir nijat tapturdi.
13
Chünki eger tékilerning we buqilarning qéni we köydürülgen kalining küli
napak bolghanlargha chéchilip ularni jisimche pak qilsa, 14 qanche oshuqraq
ezeliy Roh bilen özini Xudagha bir eyibsiz qurbanliqtek teqdim qilghan
Mesihning qéni, tirik Xudagha ibadet qilmiqimiz üchün, bizning wijdanlirimizni
ölük emellerdin pakiz qilidu. 15 Shu wejidin u özi yéngi ehdining wasitichisidur. U
arqiliq ölümining wasitisi bilen ilgiriki ehdidiki xilapliqlar kaparet qilin’ghandin
kéyin, qichqirilghanlar ebediy mirasning wedisini tapqay.
16
Chünki qayda bir wesiyet bolsa, wesiyetni qaldurghuchining ölümi otturigha
kirmiki lazimdur. 17 Chünki wesiyet ölüm bilen küchke ige bolidu. Lékin
wesiyetni qaldurghuchi tirik ikende, wesiyetning héchqandaq küchi bolmaydu.
18
Shuning üchün ilgiriki ehde qansiz küchke ige bolmidi. 19 Chünki Musa Tewrat
11
13
qanunigha muwapiq herbir emr qowmgha éytqandin kéyin, u torpaqlarning
we tékilerning qénini we su bilen qizil yung we zupa élip, kitabning özige we
qowmning hemmisige chéchip: 20 «Xuda silerge emr qilghan ehdining qéni
budur» dep éytti. 21 U shahadet chédirigha we hemme ibadet qachilirigha qanni
hem shundaq chachti. 22 Chünki Tewrat qanunigha muwapiq az qalsa, hemme
nerse dégüdek qan bilen pak qilinidu we qan tökülmey, meghpiret bérilmeydu.
23
Mana asmanlardiki nersilerning misalliri shundaq nersiler bilen pak qilinmiqi
lazim idi. Lékin samawi nersilerning özi bulardin ewzelrek qurbanliq bilen pak
qilinmiqi lazim idi. 24 Chünki Mesih qol bilen yasilip heqiqiy makanning misali
bolghan muqeddes jaygha kirmey, belki biz üchün Xudaning yüzi aldida hazir
bolmaq üchün esli asman’gha kirdi. 25 Emma bu özi ulugh kahin yilda bashqining
qéni bilen muqeddes jaygha kirgendek özini tola mertiwe qurban qilmidi.
26
Undaq bolmisa, dunyaning uli sélin’ghinidin béri tola mertiwe zexmet tartmiqi
lazim kéletti. Lékin emdi özini qurbanliq qilghini bilen gunahni inawetsiz qilmaq
üchün dewrlerning axirida bir mertiwe ashkara boldi.
27
Ademlerge bir waqit ölmek we andin höküm qilinmaq toxtitilghandek,
28
shundaq hem Mesih tolilarning gunahlirini kötürmek üchün bir mertiwe
qurbanliq qilinip, ikkinchi mertiwe özige muntezir bolghanlarning nijati üchün
gunahsiz ashkara bolidu.
Eysa Mesihning gunahtin paklinidighan kamil qurbanliqi
10
Chünki Tewrat qanuni uning özide yalghuz kélidighan németlerning
sayisi bolghach, nersilerning esli süritini körsetmeydu. Uning üchün u özi
her yil hemishe teqdim qilin’ghan qurbanliqliri bilen qurbanliq ötküzgüchilerni
kamil qilalmaydu. 2 Shundaq bolmisa, ibadet xizmiti qilghuchilar bir mertiwe
pakiz qilinip, gunah üchün wijdanliri urmighandin kéyin qurbanliq ötküzmektin
özini yighmamti? 3 Lékin qurbanliq qilishi bilen her yili gunahlar yene xatirige
keltürülidu. 4 Chünki buqilarning we öchkilerning qéni bilen gunahlarning
kötürülmiki mümkin emes.
5
Uning üchün Mesih bu dunyagha kelginide éyttiki: «Qurbanliq we hediye telep
qilmiding, lékin manga bir beden teyyar qilding.
6
Köydüridighan qurbanliq we gunah qurbanliqi bilen rizaying yoq idi. 7 U waqit
men éyttim: Mana men kélimen. Oram yazmida men toghruluq pütülgendur. Ey
Xuda, séning iradengni qilghili kélimen» dédi.
8
Awwal u özi: «Qurbanliq bilen hediyeler we köydüridighan qurbanliq bilen
gunah qurbanliqi telep qilmiding we shundaqlar bilen rizaying yoqtur» désimu,
bular Tewrat qanunigha muwapiq teqdim qilinidu. 9 Andin kéyin: «Mana, ey Xuda,
1
14
séning iradengni qilghili kélimen» dep éytip, awwalqisini yötkep, ikkinchisini
küchke ige qilidu. 10 Shu iradisige muwapiq biz özimiz Eysa Mesihning bedinining
bir mertiwe qurban qilin’ghini bilen pak-muqeddes qilinduq.
11
Her kahin künde ibadet xizmitini qilip, gunahlarni kötürelmeydighan
oxshash qurbanliqlarni pat-pat ötküzüp turidu. 12 Lékin Mesih gunahlar üchün
bir qurbanliq ötküzgendin kéyin, ebedkiche Xudaning ong yénida olturup,
13
düshmenliri putlirining tégige qoyulup bolghuche muntezir turidu. 14 Chünki
u bu qurbanliq bilen pak-muqeddes bolidighanlarni ebedkiche kamil qildi.
15
Emma Muqeddes Roh özi buning toghrisidin bizge guwahliq bérip éyttiki:
16
«Shu künlerdin kéyin ular bilen qilidighan ehdem shudurki, emrlirimni
köngüllirige qoyup, zéhinlirige pütimen
17
we ularning gunahlirini we isyanlirini yene yad qilmaymen» dep Xudawende
éytidu.
18
Emdi ne yerde bularning epusi bolsa, shu yerde gunah üchün qurbanliq
keltürüsh yoqtur.
Imanda ching turush
Uning üchün, ey buraderler, Eysaning qéni bilen hemmidin muqeddes
jaygha kirishke jüritimiz bardur. 20 U özi perdidin, yeni öz jismidin bizge bir
yéngi we tirik yol échip berdi. 21 Xudaning beyti üstide bir ulugh kahinimiz bar
bolghandin kéyin, 22 köngüllirimiz yaman wijdandin pak qilinip, bedenlirimiz sap
su bilen yuyulghach, sadiq köngül bilen imanning xatirjemlikide aldigha bérip,
23
étirap qilghan ümidimizni ikkilenmey mehkem tutayli, chünki wede qilghuchi
ishenchliktur. 24 Segek bolup, bir-birimizni muhebbetke we yaxshi emellerge
righbetlendürgili tirishayli. 25 Bezilerning aditi bolghandek öz jamaetimizde jem
bolmiqimizni tashlimay, u künning yéqinlashqinini körüp, bir-birimizge nesihet
béreyli.
26
Chünki eger biz heqiqetning meripitini tapqandin kéyin, ixtiyar bilen
gunah qilsaq, gunahlirimiz üchün yene bizge qurbanliq yoqtur. 27 Belki zit
turghuchilarni yoqitidighan ot choghigha we hökümge dehshetlik intizarimiz
qalidu. 28 Musaning Tewrat qanuni ret qilghan kishi ikki yaki üch shahitning
guwahliqi bilen rehimsiz öltürülidu. 29 Undaq bolsa, Ibn Allani ayagh astigha
dessep, ehde qénini, yeni uning özini pak-muqeddes qilghan qanni napak sanap,
méhir-shepqetlik Rohni deshnem qilghan kishi qanche éghirraq jazagha layiq
bolidu dep xiyal qilmamsiler? 30 Chünki: «Intiqam méningkidur, jazani men
özüm bérimen» we yene: «Xudawende öz qowmini höküm qilidu» dep éytquchini
bilimiz. 31 Tirik Xudaning qoligha chüshmek dehshetliktur.
32
Awwalqi künlerni, yeni silerge nur kelgendin kéyin tola zexmetlerning jéngige
19
15
chidighan waqtinglarni yad qilinglar. 33 U waqit özünglar bir tereptin haqaret we
zexmet tartish bilen ademlerge tamasha boldunglar, yene bir tereptin shundaq
ehwalda turghanlargha shérik boldunglar. 34 Chünki solaqliq bolghanlar bilen
hemderd bolup, ewzelrek we baqiy qalidighan dölitinglarning bar bolghinini
bilip, öz malliringlarning bulanmaqliqigha xushluq bilen ten berdinglar.
35
Uning üchün chong inami bar jüritinglarni tashlimanglar. 36 Chünki Xudaning
iradisini qilip, wedini tapmaq üchün sewrge mohtajdursiler. 37 «Peqet azghine
waqittin kéyin u kélidighan özi kélidu we hayal bolmaydu.
38
Lékin méning adilim iman bilen yashaydu, lékin özini ayap keynige yansa,
jénim uningdin razi bolmaydu».
39
Lékin bizler halak bolghudek özini ayap keynige yan’ghuchilardin emes, belki
jan qutquzmaq üchün ishen’güchilerdindurmiz.
11
Iman bilen yashighan guwahchilar
Lékin iman özi insan ümid qilghanning ching xatirjemliki we
2
körünmeydighan nersilerning delilidur.
Chünki shuning bilen
qedimkiler shahadet tapti.
3
Iman bilen uqimizki, jahanlar Xudaning bir sözi bilen süretke keltürüldi.
Shundaqki, körün’gen nersiler zahirdiki nersilerdin peyda bolmidi.
4
Iman bilen Habil Xudagha Qayinningkidin ewzelrek bir qurbanliqni ötküzüp,
imanning wasitisi bilen özining adil bolghinigha shahadet tapti. Chünki Xuda özi
uning hediyelirining heqqide guwahliq berdi we u ölgen bolsa hem, iman bilen
téxi sözleydu.
5
Iman bilen Xanoq ölümni körmisun dep, kötürüldi we Xuda uni kötürgini
üchün tépilmidi. Chünki kötürülmeste özining Xudagha meqbul bolghinigha
guwahliq tapti. 6 Lékin iman bolmisa, Xudagha meqbul bolmaq mümkin emes.
Chünki Xudagha kelgüchilerge: «U bar we özini izdigüchilerge ejrini yanduridu»
dep ishenmek lazim bolidu.
7
Iman bilen Nuh özi téxi körmigen nersiler toghrisida ilham tépip, öz öy
xelqining qutulmiqi teqwadarliq bilen bir kéme rastlap qoydi. Imanning wasitisi
bilen dunyani höküm qilip, imandin bolghan adaletke waris boldi.
8
Iman bilen Ibrahim qichqirilghanda özi miras alidighan yerge ketkili itaet
qilip, özi baridighan yerni bilmey chiqip ketti. 9 Iman bilen wedining yurtida
musapirdek ghéribchiliqta turup, ushbu wedining warisdashliri Ishaq we Yaqub
bilen chédirda olturdi. 10 Chünki mehkem ul sélin’ghan sheherge, yeni Xuda özi
bina qilip yasighan sheherge muntezir idi.
11
Iman bilen Sare özi nesil peyda qilghili quwwet tapti. U wede qilghuchini
1
16
sadiq bilgech, yéshi ötkendin kéyin tughdi. 12 Uning üchün yalghuz bir ademdin,
derweqe ölüktek bir ademdin sani asmanning yultuzliridek we déngiz boyidiki
sani yoq qum daniliridek nesil boldi.
13
Bularning hemmisi wedini tapmay, iman bilen öldi. Emma ular yiraqtin
wedilerge qarap ulardin söyünüp, dunyada méhman we musapir ikenmiz dep
étirap qildi. 14 Chünki shundaq éytquchilar özining bir weten izdeydighanlirini
körsitidu. 15 Eger ular özi chiqqan wetenni xiyal qilghan bolsa, yénip kétishke
ularning pursiti bolatti. 16 Lékin emdi ularning bir ewzelrek, yeni samawi
weten’ge meyli bar. Uning üchün Xuda ularning Tengrisi dep atilishtin uyatmay,
ulargha bir sheher hazirlighandur.
17
Iman bilen Ibrahim özi sinaq qilin’ghanda Ishaqni qurbanliq qildi. Derweqe
wedilerni qobul qilghuchi yalghuz oghlini qurbanliqtek keltürdi. 18 Uning özige:
«Ishaqtin nesling kélip chiqip, namingni dawamlashturidi» dep éytilghanidi.
19
Chünki u «Xuda uni ölükler arisidin qopurghili qadirdur» dep pikir qildi. Uning
üchün «u ölüklerdin tirildürülgendek uninggha yanduruldi» dések bolidu.
20
Iman bilen Ishaq Yaqubqa we Esawgha kélidighan nersiler jehitidin duayixeyr
qildi.
21
Iman bilen Yaqub ölidighan waqtida Yüsüpning her ikkila oghligha duayixeyr
qilip, öz hasisigha yölinip turup dua qildi.
22
Iman bilen Yüsüp ölidighan waqtida beni-Israilning Misirdin chiqidighini
toghrisida söz qilip, öz ustixini toghrisida wesiyet qildi.
23
Iman bilen Musa özi tughulghandin kéyin ata-anisi uni üch ayghiche yoshurdi.
Chünki ular balining chirayliq ikenlikini körüp, padishahning emridin qorqmidi.
24
Iman bilen Musa özi chong bolghanda Firewnning qizining oghli dep atalghili
unimidi. 25 Xudaning qowmi bilen haqaret tartishni, gunah bilen waqitliq eyshishret ichide yashashtin yaxshiraq körüp, 26 Mesihning haqaritini Misirning
xeziniliridin chongraq dölet sanidi, chünki inamgha qariwatatti.
27
Iman bilen padishahning ghezipidin qorqmay Misirdin ketti, chünki
körünmeydighan zatni közi aldida körün’gendek körüp, chidap turdi. 28 Iman
bilen, tunjilarni halak qilghuchi ulargha tegmigey dep, Pasxani we qan sürküshni
buyrudi.
29
Iman bilen ular qizil déngizdin quruq yerdin mangghandek ötüp ketti. Emma
misirliqlar, biz hem öteyli dep, egiship turghinida gherq boldi.
30
Iman bilen Yérixoning sépilliri, xelq etrapini yette kün aylinip yürgendin
kéyin, yiqilip chüshti.
31
Iman bilen pahishe Rahab jasuslarni tinchliq bilen qobul qilghini üchün asiylar
bilen halak bolmidi.
32
we yene néme éytay? Chünki eger Gidon, Baraq, Shimshon, Yiptah, Dawud,
Samuil we peyghemberler toghrisidin söz qilsam, waqit qisqa kéletti. 33 Bular
17
iman bilen memliketler meghlup qildi, adil emel qildi, wediler tapti, shirlarning
éghizlirini tuwaqlidi, 34 otning küchini öchürdi, qilichning bisidin qutuldi,
zeipliktin quwwetlendi, jengde batur boldi, biganilerning qoshunlirini qachurdi.
35
Xotunlar öz ölgenlirini tirilip qopqan tapti, emma bashqilar ewzelrek
qiyametke yéteyli dep, qutulushni qobul qilmay qiynitildi,
36
bashqilar mesxire qilinip, qamcha yep, zenjir we zindanlarda turdi, 37 chalmakések qilindi, sinaq qilindi, herilinip öltürüldi, qilich bilen öltürüldi, bichare
bolup, zexmet tartip, qiynilip, qoy tériliri we öchke postliri kiyip yürdi. 38 Dunya
ulargha layiq bolmighach, bayawanlarda we taghlarda aware bolup, gharlarda
we yerning öngkürliride olturdi.
39
Bularning hemmisi wedining beja keltürülüshini körmey, iman bilen shahadet
tapti. 40 Chünki Xuda biz üchün ewzelrek bir nerse ilgiridin teyinligini üchün,
biz bolmighuche bular kamaletke yételmidi.
12
Eysa Mesihning nemunisi
Emdi guwahlar shunche chong buluttek chörimizde bolghandin kéyin,
biz özimizni éghirlashturidighan her nersini we bizni chirmashturghan
gunahni tashlap, chidamliq bilen aldimizdiki yügürüshte yügürüp, 2 imanning
emiri we kamil qilghuchisi Eysagha qarayli. U aldidiki xushalliq üchün
zexmitige sewr-taqet qilip, haqaretke sel qarap, Xudaning textining ong yénida
olturghuzuldi. 3 Öz janliringlarda hérip sus bolmasliqinglar üchün, gunahkarlar
teripidin shunche zitliqqa sewr-taqet qilghuchini yad qilinglar.
1
Xuda öz balilirini terbiyileydu
Téxi gunahqa qarshi qan tökküchilik jeng qilmidinglar 5 we: «Ey oghlum,
Xudawendining terbiyisini tehqir qilmighin we u sanga tenbih bergende
sus bolmighin» dep oghullargha söz qilghandek, silerge éytilghan nesihetni
untudunglar.
6
Chünki Xudawende özi dost tutqan kishini terbiyileydu we özi qobul qilghan
her oghulgha tayaq uridu.
7
Terbiyenglar üchün zexmet tartisiler. Oghullar bilen qilghandek, Xuda siler
bilen muamile qilidu. Atisidin terbiyilenmigen oghul kimdur? 8 Lékin hemmisi
uninggha shérik bolghan terbiyidin mehrum qalsanglar, oghul emes, belki
ögeydursiler. 9 we bizni terbiyiligen jismaniy atilirimiz bar idi we ulardin
eyminettuq. Undaq bolghandin kéyin tirik qalmiqimiz üchün rohlarning
Atisigha qanche oshuqraq boyun sunmamduq? 10 Chünki bular az künlerde
4
18
özige munasip körün’gendek bizni terbiyileytti. Lékin bu özi bizning rast
menpeitimiz üchün, yeni öz pak-muqeddeslikige shérik bolmiqimiz üchün bizni
terbiyileydu. 11 Héchbir terbiye öz waqtida xushluq keltürgendek körünmey,
ghemlik keltürgendek körünidu. Lékin uning bilen köndürülgenlerge kéyinrek
adaletning amanliq méwisini keltüridu.
12
Uning üchün susliship qalghan qollarni we titreydighan tizlarni ruslanglar.
13
Aqsaq put qayrilip ketmey, belki shipa tapsun dep, putliringlargha tüz yollar
rastlanglar.
14
Hemmiler bilen inaq ötkili tirishinglar we pak-muqeddeslikni izdenglar, chünki
uningsiz héchkim Xudawendini körmeydu. 15 Éhtiyat qilinglarki, héchkim
Xudaning méhir-shepqitidin mehrum qalmisun we tolilarni napak qilidighan
bir achchiq yiltiz ünüp chiqip, taydurmaqliqqa seweb bolmisun. 16 Héchkim zina
qilghuchi yaki öz tunjiliq heqqini bir taamgha sétip bergen Esawdek biteqwa
bolmisun. 17 Bilisilerki u kéyinrek beriketni miras alghili xalap, köz yashliri bilen
izdisimu, towagha purset tapmay ret qilindi.
18
Chünki siler kishi qol bilen tutalaydighan bir taghqa we tutashqan otqa we
tutuqluqqa we qarangghuluqqa we boran’gha 19 we kanay ünige we söz qilghan
awazgha kelmidinglar. U awaz undaq idiki, uni anglighanlar: «Mundaq söz yene
bizge éytilmisun» dep yalwurdi. 20 Chünki buyrulghan emrge chidimaytti we
«eger haywan bolsimu, taghqa tegse, chalma-kések qilinsun» dep buyruldi.
21
Körünüshi undaq heywetlik idiki, Musa: «Men qorqup titreymen» dep éytti.
22
Lékin siler Si'on téghigha we tirik Xudaning shehirige, yeni samawi
Yérusalémgha we sansiz perishtilerning héyt jemiyitige 23 we asmanlarda
xetlen’gen tunjilarning jamaitige we hemmisining Tengrisi bolghan bir
hakimning qéshigha we kamaletke yetküzülgen adillarning rohlirigha 24 we
yéngi ehdining wasitichisi Eysagha we Habilningkidin yaxshiraq söz qilidighan
bir chéchilish qénigha keldinglar.
25
Éhtiyat qilinglarki, söz qilghuchini ret qilmighaysiler, chünki yerde ilham bilen
sözligüchini ret qilghanlar qutulmighan bolsa, biz asmanlardin sözligüchidin
yüz örüsek, qandaq qutulalaymiz. 26 Uning awazi u waqit yerni tewretti. Lékin
emdi wede qilip éytqanki: «Yene bir mertiwe yalghuz yerni emes, belki asmanni
hem tewritimen».
27
Lékin yene bir mertiwe dégen söz körsitiduki, tewrinidighan nersiler özi yasalghan
nersilerdek yötkilidu. Shundaqta tewrenmeydighan nersiler baqiy qalidu.
28
Uning üchün bizge tewrenmeydighan bir padishahliq bérilgendin kéyin,
minnetdar bolup shükür qilayli. Buning bilen Xudagha meqbul teriqide eyminish
we teqwadarliq bilen uninggha xizmet qilghaymiz. 29 Chünki Xudayimiz dimige
tartidighan ottektur.
19
13
Axirqi telim we salamlar
Aranglarda buraderchilik muhebbiti bar bolup tursun. 2 Méhman
dostluqni untumanglar, chünki uning bilen beziler bilmey perishtiler
qondurghan.
3
Solaqliq bolghanlarni özünglar ular bilen bille solaqta yatqininglardek yad
qilinglar. Öz bedininglar bar bolghandin kéyin azar tartqanlarni yad qilinglar.
4
Öylinish haliti hemmisining arisida mötiwer sanalsun we orun-tüsheki érigh
bolsun. lékin buzuqluq qilghuchilarni we zinaxorlarni Xuda höküm qilidu.
5
Yürüsh-turushunglarda achközlük qilmay, belki bar bolghininglar bilen
qanaet qilinglar. Chünki u özi: «Men séni esla ret qilmaymen we séni hergiz
tashlimaymen» dep éytqan. 6 Uning üchün: «Xudawende manga yardem
bergüchidur, men qorqmaymen insan manga néme qilalaydu?» dep xatirjemlik
bilen éytalaymiz.
7
Xudaning sözini silerge telim bergen muellimliringlarni yad qilip, ular öz ömrini
qandaq ötküzüp tamam qilghan’gha qarap, ularning imanigha egishinglar.
8
Eysa Mesih tünügün we bügün ta ebedkiche özgermeydu.
9
Bashqa-bashqa yat telimler bilen éziqip ketmenglar. Chünki köngülning
quwwetlenmiki qurbanliq taami bilen bolmay, méhir-shepqet bilen
quwwetlenmiki yaxshidur. Mana shundaq ish qilip yürgüchiler buningdin
menpeet tapmidi. 10 Bizning qurban’gahimiz bardur. Uning özidin ibadet
chédirida xizmet qilghuchilarning taam yéyishige ijazet yoq. 11 Chünki ulugh
kahin ularning qénini hemmidin muqeddes jaygha gunahning kapariti üchün
élip kirgen haywanlarning bedenliri chédirgahning tashqirisida örtilidu.
12
Bu wejidin Eysa hem qowmni öz qéni bilen pak-muqeddes qilmaq üchün
derwazining tashqirisida zexmet tartti. 13 Uning üchün haqaritini üstimizge
élip, chédirgahning tashqirisigha chiqip uning aldigha barayli. 14 Chünki bu
yerde baqiy qalidighan shehirimiz yoqtur, lékin kelgüsidikige intilip qaraymiz.
15
Emdi Mesihning wasitisi bilen Xudagha hemishe hemd qurbanliqi, yeni uning
ismigha hemd éytidighan lewlerning méwisini keltürünglar. 16 Lékin yaxshiliq
qilip, mohtajlargha yardem bérishnimu untumanglar, chünki Xuda shundaq
qurbanliqlardin razidur.
1
Muellimliringlargha itaet qilip ulargha boyun sununglar, chünki ular
janliringlar üchün oyghaq turup, hésab bergüchilerdek xewer élip turidu. Shuni
xushluq bilen qilsun, ah tartish bilen emes, chünki shundaq bolsa silerge paydiliq
bolmaydu.
18
Biz üchün dua qilinglar, chünki her ishta toghra yolda yürüshni xalap, pak
wijdanimiz bolghini üchün xatirjemlikimiz bar. 19 Men patraq silerge bériley
17
20
dep, téximu oshuqraq shuni qilinglar dep, silerge yalwurimen.
20
Emma ebediy ehde qéni bilen qoylarning chong padichisi bolghan
Xudawendimiz Eysani ölükler arisidin qopurghan amanliqning Tengrisi 21 öz
iradisini beja keltürmikinglar üchün, silerni her yaxshi emelde kamil qilip, Eysa
Mesihning wasitisi bilen Xudaning aldida meqbul bolghan ishni bizde emelge
keltürgey. Eysa Mesihke ebedlerning ebedigiche shan-sherep bolsun. Amin.
22
Lékin, ey buraderler, silerge yalwurimenki, bu nesihet sözige sewr-taqet
qilghaysiler. Mana silerge qisqighina söz bilen püttüm.
23
Buradirimiz Timotéusning azad bolghinini bilinglar. U pat kelse, uning bilen
bille silerni körüshke barimen.
24
Hemme muelliminglargha we muqeddeslerning hemmisige salam éytinglar.
Italiyedin bolghanlar silerge salam éytidu.
25
Méhir-shepqet hemmenglar bilen bolsun.

Uyghur Bible - Muqeddes Kitab - translated into Kashgar dialect

Transkript

Benzer belgeler

Xiyalni Realliqqa Aylandurushning Sirliq Qanuniyiti

ENT UNIT